संक्षिप्त परिचय

बिदुर नगरपालिका

१. परिचय

यस नगरपालिका काठमाण्डौं उपत्यका देखि उत्तर पश्चीम ६९ कि.मि. दुरीमा अवस्थित रहेको छ । नुवाकोट जिल्लाको सदरमुकाम बिदुरको नामवाट परिचित यस नगरपालिका तत्कालिन सरकारको २०४३ फालगुण १८ को निर्णय अनुसार गठन भएको हो । ३४.५५ वर्ग कि.मि. क्षेत्रफलमा फैलिएको यो नगरपालिकाको धेरै भाग समथर मैदानले ओगटेको भएतापनि केही भाग पहाडी क्षेत्रमा पनि पर्दछ ।  ११ वडामा विभाजित यस नगरपालिका तत्कालिन त्रिशुली र विदुर गाविस को पुरै भाग भैरवी र तुप्चे गाविसको केही भाग तथा चारघरे र खडगभन्ज्यांग गाविसको प्रोजेक्ट एरीया समेटेर गठन भएको हो ।

२. ऐतिहासिक पृष्ठभुमि

प्रख्यात साततले दरवारका साथै मल्लकालिन पुरातात्विक दरवार र प्रसिद्ध भैरवी मन्दिर, जालपा देवी मन्दिर लगायतका स्थलहरु समेटिएको यो नगरपालिका ऐतिहासिक धरोहरको धनि मानिन्छ । जिल्लाको सदरमुकाम नुवाकोटलाई विदुरमा सार्नु पूर्व यस नगरपालिका भित्र पर्ने ऐतिहासिक नुवाकोट वजार ईतिहासमा पश्चीम १ नं. (नुवाकोट, धादिङ्ग र रसुवा ) को सदरमुकाम थियो भने पश्चीम १ नं. गौडाको पुरानो व्यापारिक केन्द्र सांघुवजार (हालको त्रिशुली वजार) पनि यस नगरपालिका भित्रको १० र ११ नं. वडामा पर्दछ ।